கிலோ என்ன விலை?

“மாப்ள... ஒரு கிலோ இருவது ரூவாயாம்... உனக்கு எவ்ளோ கிலோ வேணும்?”

“எது இருவது ரூவா? தக்காளி? கத்ரிக்கா? கொத்ரங்கா? ”

“புஸ்தகம்... கிலோ கிலோவா விக்கறாங்கப்பா...”

“தொட்டா கை அரிக்குமே... அது மாதிரி பழுப்புக் கலர் புஸ்தகமா?”

”ச்சே...ச்சே.. புதுசாதான் இருக்கு...”

“ரெபிடெக்ஸ் இங்கிலீஷ் ஸ்பீக்கிங் கோர்ஸ்... இருபது நாளில் ஜோதிடம்... சமைத்துப் பார்... இது மாதிரியா?”

“இல்லையே... எல்லா புஸ்தகமும் இருக்கே... ஆக்ஸ்ஃபோர்ட் டிக்‌ஷனரியெல்லாம் கூட இருக்கு...”

“ரென் அண்ட் மார்ட்டின் கிராமர்.... வேர்ட் பவர்... இடியம்ஸ் அண்ட் ஃப்ரேஸஸ்.. ஷேக்ஸ்பியர்.. கிப்லிங்..டிக்கின்ஸ்... தாஸ்தாவேய்ஸ்கி .ன்னு எப்படியாவது ஒரு மூணு நாலு கிலோ வாங்கிட்டு வா மாமா..”

“ஓ! நிச்சயமா.. நாளைக்கு அந்த புக் ஃபேருக்குப் போயிட்டு உன்னைக் கால் பண்றேன்..

என்னென்ன புத்தகம் வாய்க்குமோ என்று நகம் கடிக்கும் படபடப்புடன் காத்திருக்கிறேன்.

மங்களூருவிலிருந்து சத்யா அலைபேசியதின் உரை வடிவை மேலே படித்தீர்கள். புத்தக வாசனை பலமாக அடிக்கிறது!!

பத்து சதக் கழிவு கொடுத்து பபாஸி நடத்தும் சென்னை புக் ஃபேர்க்கு எதிர்வரும் ஞாயிற்றுக்கிழமை போக வேண்டும். இம்முறையாவது வண்டி நிறுத்த விஸ்தாரமான இடமும் அவசரத்திற்கு ஓரம் ஒதுங்க சுகாதாரமான மறைவிடமும் காலை இடறாத பாய் விரித்த நடைபாதையும் கிடைக்குமென்ற நம்பிக்கையுடன்....

ஐ அம் வெயிட்டிங்!